Javier González Fraga triunfa no Gran Premio Gadis

Novamente Javier González Fraga converteuse no gran protagonista da xornada deste sábado en Equiocio coa vitoria nas dúas probas grandes, do mesmo xeito que o día anterior. Primeiro, na competición de 1.35, Trofeo Deputación Provincial da Coruña, montando a Bubalú e terminou a xornada sendo o mellor no desempate do Pequeno Gran Premio Gadis a lombos de Sonic JGF.

Pola mañá, na pista principal desenvolveuse a competición de ponis, moi concorrida e na que nos A gañou Antía Domínguez, sobre Cascabel Kily. Nos B repetiu o triunfo da xornada anterior Candela Tardío, sobre Campolaverdad Vito, mentres que nos C tamén gañou por segunda vez Candela Suárez, a lombos de Quezac du Gevaudan, e nos C2 a vitoria recaeu en Iria Rodríguez, con Dorien VD Eindhoven.

Na competición sobre 1.00 metro, o triunfo foi para Elisa García, con Nardeli, mentres que en 1.10, na proba territorial gañou Insider, de Carla Castrillo, e na nacional, Una de Beluchi, con Belén Rodríguez. Por último, en 1.20 metros, impúxose Lara Cristina Diego, montando a Aurita de Pravia.

Mañá celébrase a última xornada de Equiocio, na que o Gran Premio Concello de Ferrol celebrarase, a partir das 12.00 horas, mentres que pola tarde tamén haberá a competición principal dos ponis.

Deixa un comentario

O teu enderezo electrónico non se publicará Os campos obrigatorios están marcados con *