{"id":9842,"date":"2024-07-17T12:31:28","date_gmt":"2024-07-17T12:31:28","guid":{"rendered":"https:\/\/equiocio.es\/?p=9842"},"modified":"2024-07-17T12:55:36","modified_gmt":"2024-07-17T12:55:36","slug":"equiocio-ferrol-convoca-o-festival-de-mascotas-para-destacar-a-aportacion-dos-animais-ao-fogar","status":"publish","type":"post","link":"https:\/\/equiocio.es\/gl\/equiocio-ferrol-convoca-o-festival-de-mascotas-para-destacar-a-aportacion-dos-animais-ao-fogar\/","title":{"rendered":"Equiocio Ferrol convoca o Festival de mascotas para destacar a aportaci\u00f3n dos animais ao fogar"},"content":{"rendered":"

Equiocio Ferrol abrirase o xoves 1 de agosto, cunha tarde de lecer familiar. Unha oferta na que non pode faltar todo un cl\u00e1sico do certame: o festival de mascotas. A proposta reivindica a aportaci\u00f3n dos animais de compa\u00f1\u00eda, que te\u00f1en a consideraci\u00f3n de membros da familia, \u00e1 convivencia nos fogares.<\/p>\n\n\n\n

Patrocinado por Hill\u00b4s, o festival arrincar\u00e1 \u00e1s 19 horas e por\u00e1 en valor os beneficios de ter unha mascota na casa sen esquecer as responsabilidades que conleva. A iniciativa busca ademais fomentar o coidado dos animais e impulsar a adopci\u00f3n dos cans e gatos que enchen tanto o Refuxio de Moug\u00e1 como as protectoras que traballan na comarca.<\/p>\n\n\n\n

\"\"<\/figure>\n\n\n\n

No evento, as persoas propietarias deber\u00e1n presentar ao p\u00fablico asistente os seus animais de compa\u00f1\u00eda, explicando o v\u00ednculo que os une a eles, o que aporta a s\u00faa presenza no \u00e1mbito familiar ou a s\u00faa propia historia. Todas as mascotas recibir\u00e1n un agasallo.<\/p>\n\n\n\n

A maiores, o xurado outorgar\u00e1 tres premios especiais. As\u00ed, reco\u00f1ecer\u00e1 \u00e1 mascota que sexa exemplo de superaci\u00f3n, \u00e1 que destaque pola excelente interacci\u00f3n cos seus humanos, e tam\u00e9n a xenerosidade e dedicaci\u00f3n da familia. En definitiva, premiarase o aspecto emocional fronte a cuesti\u00f3ns como a raza ou beleza.<\/p>\n\n\n\n

O xurado estar\u00e1 integrado pola delegada de Hill\u00b4s en Galicia, Natalia Garc\u00eda; Amparo Blanco, representante da Protectora Arco da Vella; Montse Fern\u00e1ndez, veterinaria que colabora habitualmente coas protectoras da zona; Beatriz Cap\u00f3n, de Peluquer\u00eda canina A Malata; e a bi\u00f3loga e coordinadora da colonia felina de Ferrol Vello, Juana Pardo.<\/p>\n\n\n\n

As bases do festival, que estar\u00e1 presentado por Esther Guimar\u00e9, integrante de Affinor, poden consultarse aqu\u00ed<\/a>. As inscrici\u00f3ns realizaranse no\u00a0 propio certame, cubrindo o bolet\u00edn de inscrici\u00f3n que se por\u00e1 a disposici\u00f3ns dos participantes ou que se pode descargar xunto coas bases, e entreg\u00e1ndoo ata un cuarto de hora antes do inicio da actividade.\u00a0<\/p>\n\n\n\n

Os animais deber\u00e1n presentar un bo estado de sa\u00fade e estar debidamente coidados. No caso de especies ex\u00f3ticas, ter\u00e1 que acreditarse a s\u00faa propiedade e situaci\u00f3n legal.<\/p>\n\n\n\n

Equiocio contar\u00e1 na s\u00faa 33 edici\u00f3n co patrocinio, entre outros, do Concello de  Ferrol, Deputaci\u00f3n provincial da Coru\u00f1a, Xunta de Galicia, Turismo de Galicia, Gadis e Estrella Galicia.<\/p>\n\n\n\n